Fara í efni

Ársfundur 2016

Sjötti ársfundur Sjálfbærniverkefnis Alcoa Fjarðaáls og Landsvirkjunar var haldinn í Valaskjálf, Egilsstöðum, þriðjudaginn 3. maí 2016 kl. 14 - 18.

Að þessu sinni var sjónum beint að stöðu og framtíð verkefnisins.

Fundarstjóri: Björn Ingimarsson, bæjarstjóri Fljótsdalshéraðs

 

 

 

 

 

 

Dagskrá

Samantekt

Setning: Ragna Árnadóttir, aðstoðarforstjóri Landsvirkjunar setti fundinn. Í setningarræðu sinni ræddi hún um þau verðmæti sem fólgin eru í Sjálfbærniverkefninu og að hollt væri að skoða hvort breytinga er þörf til að tryggja að þau nýtist sem best.

Árni Jóhann Óðinsson rakti sögu verkefnisins, fór yfir stöðu þess og velti upp spurningum og hugmyndum um þróun þess. Þá kom fram að Landvernd hefur ákveðið að hætta þátttöku í verkefninu og þakkaði Árni þeim gott samstarf og mikilvægt innlegg í verkefnið.

Valur Knútsson sagði frá byggingu Þeystareykjavirkjunar og sjálfbærniverkefni sem er að fara af stað á Norðurlandi í tengslum við framkvæmdirnar. Verkefnið verður minna en verkefnið á Austurlandi en undirbúningurinn héðan nýttur og víðtækt samráð haft um þróun þess. Tillögur komu að rúmlega 100 vísum en unnið er að því að skera þá niður og hefst vöktun vonandi í sumar.

Björg Björnsdóttir, verkefnastjóri sveitarstjórnarmála hjá Austurbrú, sagði frá Sóknaráætlun Austurlands og íbúafundinum „Austurlandið mitt“, sem haldinn var 15. mars 2016 í tengslum við endurskoðun áætlunarinnar. Björg benti á að sárlega vanti hagvísa fyrir svæðið þó ýmsir aðilar vinni gögn, hver í sínu horni. Í tilefni 10 ára afmælis verkefnisins á næsta ári mætti skoða aukna samvinnu milli aðila sem fylgjast með samfélagsþróun á Austurlandi.

María Ósk Kristmundsdóttir og Jóhanna Harpa Árnadóttir stýrðu hópastarfi. Fundarmenn skiptust í 6 hópa sem ræddu styrkleika, veikleika, ógnanir og tækifæri verkefnisins. Áberandi í umræðunni var þörf fyrir aukið samstarf og kynningu verkefnisins sjá samantekt með niðurstöðum.

Hákon Aðalsteinsson sagði frá umhverfisvöktun vegna Kárahnjúkavirkjunar. Hann benti á að erfitt er að rekja breytingar sem greinast á umhverfi til framkvæmda þar sem aðrir þættir spila inn í. Til dæmis er fjölda hreindýra stjórnað með veiðum og því segir talning þeirra ekkert um áhrif framkvæmda. Sumar breytingar eru mjög hægfara og greinast ekki fyrr en eftir áratugi. Hann varpaði fram spurningu um það hvort verkefnið muni krefjast þess að vöktun verði haldið áfram á vísum sem Umhverfisstofnun leyfir að hætt sé að fylgjast með.

Guðmundur Sveinsson Kröyer fór yfir mælingar á flúor í grasi og í kjálkabeinum sauðfjár í Reyðarfirði. Hann ræddi um niðurstöðurnar í samhengi við veðurskilyrði eins og úrkomu og hitahvörf. Þá hafa menn spurt sig hvort björtu sumrin á Íslandi valdi því að plöntur séu opnari en ella fyrir mengun.

Fyrir fundinum lágu tillögur um breytingar á fimm sjálfbærnivísum og voru þær allar samþykktar samhljóða.

Geir Sigurpáll Hlöðversson lauk fundinum með stuttri samantekt. Þá þakkaði hann Fríðu Björgu Eðvarðsdóttur fulltrúa Landverndar í stýrihóp fyrir hennar góða framlag til verkefnisins og hún óskaði verkefninu góðs gengis með kveðju frá Landvernd.

Þátttakendur

Nafn Fyrirtæki, stofnun, félag
Björn Ingimarsson Fljótsdalshérað
Freyr Ævarsson Fljótsdalshérað
Valur Knútsson Landsvirkjun
Árni Jóhann Óðinsson Landsvirkjun
Pétur Ingólfsson Landsvirkjun
Lilja Bjarnadóttir Landsvirkjun
Ragnheiður Ólafsdóttir Landsvirkjun
Fríða Björg Eðvarðsdóttir Landvernd
Hákon Aðalsteinsson Landsvirkjun
Ragna Árnadóttir Landsvirkjun
Georg Pálsson Landsvirkjun
Ívar Páll Jónsson Landsvirkjun
Kristín Ágústsdóttir Náttúrustofa Austurlands
Aníta Júlíusdóttir Landsvirkjun
Steinn Ágúst Steinsson Landsvirkjun
Marinó Stefánsson Fjarðabyggð
Smári Kristinsson Alcoa Fjarðaál
Guðmundur Sveinsson Kröyer Alcoa Fjarðaál
Páll Freysteinsson Alcoa Fjarðaál
Dagný Björk Reynisdóttir Alcoa Fjarðaál
Geir Sigurpáll Hlöðversson Alcoa Fjarðaál
Gunnar Jónsson Fljótsdalshérað
Signý Ormarsdóttir Austurbrú
Valdimar O. Hermannsson Brammer
Sindri Óskarsson Landsvirkjun
Dagbjartur Jónsson Landsvirkjun
Sverrir H. Sveinbjörnsson Landsvirkjun
Guðmundur Davíðsson Hitaveita Egilsstaða og Fella
Ketill Hallgrímsson  
Ragnar Sigurðsson Alcoa Fjarðaál
Hilmar Sigurbjörnsson Alcoa Fjarðaál
Ólöf Vilbergsdóttir Fjarðabyggð
Katrín Reynisdóttir Austurbrú
Sigrún Víglundsdóttir Austurbrú
Jónína Brá Árnadóttir Seyðisfjarðarkaupstaður
Jóna Árný Þórðardóttir Austurbrú
Guðrún Á. Jónsdóttir Austurbrú
Björg Björnsdóttir Austurbrú
Jóhanna Harpa Árnadóttir Landsvirkjun
María Ósk Kristmundsdóttir Alcoa Fjarðaál