LV-2015/119 - Fiskirannsóknir á vatnasviði Lagarfljóts og Gilsár 2014

Í skýrslunni eru teknar saman niðurstöður um rannsóknir á fiski í Lagarfljóti 2014, auk seiðarannsókna í nokkrum hliðarám Lagarfljóts og Gilsá árið 2012.
Niðurstöður sýna fækkun bleikju frá árinu 1998 en urriðastofninn er jafnari. Dregið hefur úr vexti fiska eftir vatnsflutninga, sérstaklega hjá yngri einstaklingum. Fæða bleikju og urriða hefur breyst og fæðudýrum úr vatni hefur fækkað og tegundir af landrænum toga hafa að nokkru tekið við. Dregið hefur úr laxveiði neðan Lagarfoss á síðustu árum.
Breytingar á fiskstofnum Lagarfljóts fram til þessa, virðast í meginatriðum vera í samræmi við mat sem gert var á umhverfisáhrifum.